Orkli berokuntza-produktuekin lotu izan dugu tradizionalki. Gaur egun, ordea, dibertsifikazio handiko kooperatiba da eta eremu gehiago nahiz zehatzagotara bideratzen du bere produkzioa: konfort- eta osasun-konponbideak fabrikatzen eta saltzen ditu; zoru erradiatzaile freskagarria eta aireztapen-soluzioak merkaturatzen ditu; erregulazio eta kontrol-soluzioak ekoizten ditu, erretze-zelulak eta gas-segurtasuneko mekanismoak; eta hidronika jasangarrian, hidraulikan, berokuntzan eta eguzki-sistemetarako osagaietan puntako enpresa da. Orkli kooperatiba-elkarteari buruzko informazio gehiago kontsulta dezakezue hemen.
Kooperatiba eta kooperazioa:
Ordizian egoitza duen kooperatiba hau lankidetzan eta elkartasunean ere puntakoa da. Urtero, hainbat proiektu laguntzen du aurrera ateratzen. Zegamako, Segurako, Zeraingo eta Mutiloako TOBERA Musika-eskolak herriotan musikaren arloan egiten duen kultura- eta gizarte-jarduera aintzat hartuta, Orkliko Kontseilu Sozialak gure ikastegiari diru-laguntza ematea erabaki du aurten beste behin. Hala, TOBERA Musika- eta Dantza-eskolak Goierri eskualdean gizarte-, kultura- eta hezkuntza-arloetan egiten duen lana aitortu du Orklik eta baita berau babestu ere. Babesten ez denak zail du-eta bestela bidea. Eskerrik asko!
- iker -ren bloga
- Logeatu iruzkinak post-eatzeko
