Proposamen berri(tu) batekin etorri da Mutiloako, Segurako, Zegamako eta Zeraingo TOBERA Musika- eta Dantza-eskola. Iaz euskal dantzen helduentzako taldea osatu zen TOBERAn, dozena bat lagun elkartu zuena. Ikasturte honetan, berriz, formatua eta eskaintza egokitu dituzte, are eta eskuragarriago izan dadin helduentzat proposamena. Hain zuzen ere, hilean 2 orduko saio bana baino ez da izango. 18 urtetik gora izatea beharrezkoa da. Izena ematen dutenen artean erabakiko da saioak noiz emango diren, baina ostiral arratsaldeak eta larunbatak ere aukeran izango dituzte interesatuek. Urrian hasi eta ekainera bitarteko konpromisoa hartuko dute izena ematen dutenek. Hilero 10 euro baino ez dira ordaindu beharko.
Zerainen eta Seguran dantza-taldeak jada badaudenez TOBERAz bestela, horien lana aitortu eta errespetatu, eta honako eskaintzaren barruko eskolak Zegaman bakarrik lirateke (Mutiloan nahikoa izenemate batuz gero, aztertzekoa, ordea). Izen-ematea tobera.org webgunean edo labur.eus/toberadantza helbidean egin liteke urriaren 27a baino lehen.
- iker -ren bloga
- Logeatu iruzkinak post-eatzeko
