Ate irekien astea Francisco Escudero kontserbatorioan

Francisco Escudero kontserbatoriora sartzeko gogoa baduzu, “Ate irekien astean” hurbil zaitez bertara (Donostia).
NOIZ: 2017ko martxoaren 20tik 24ra.
IZEN-EMATEA: 2017ko martxoaren 1etik 15era.
- E-mailez: oficina@conservatorioescudero.eus
- Telefonoz: 943466488, astelehenetik ostiralera 9,30etik 13,00etara.
Bertako irakaskuntzaren jarduera gertutik ikusteko edota irakasleekin elkarrizketa bat izateko aukera izango duzue. Halaber, Oinarrizko Irakaskuntzei zein Irakaskuntza Profesionalei buruzko informazio-hitzaldietan parte hartu ahal izango duzue.

Jardunaldi hauetan parte hartzeko, izena ematea beharrezkoa da. Horretarako (izena emateko, alegia), zatoz musika-eskolara eta TOBERAn bideratuko dugu zure izen-ematea.

Gogoan izan TOBERA Musika-eskolak argibide-orria prestatu zuela ikasturte honen hasieran musika-ikasketa profesionalei buruzko zalantzak argitzen laguntzeko. Hemen duzu txosten hori (klikatu esaldi honetan bertan).

---

INFORMAZIO OROKORRA:
* Izena eman duzuenok, irakasleekin adostatutako ordutegian, geletan sartzeko aukera izango duzue klaseak entzutera. Arreta orduan, berriz, irakaslearekin banaka egoteko aukera emango zaizue, bai ikasketei buruzko galderak egiteko edota bere aurrean instrumentua jotzeko, sarrera-probei begira, orientazio egokia emateko. Nahi izanez gero, ekar dezakezue zuen instrumentua (harizko eta haizezko instrumentuen kasuan, baita akordeoia, gitarra, gitarra elektriko eta baxu elektrikoaren kasuan ere).
* Astehelena 20, 19,00etan:
Oinarrizko Irakaskuntzei buruzko informazio-hitzaldia: bilera hau bereziki 7 (2009an jaioak) eta 13 urte arteko haurren gurasoei (seme-alabak ere etor daitezke) zuzenduta dago. Oinarrizko Irakaskuntzei ekiteko musika-ezagutzak ez dira beharrezkoak.
* Asteazkena 22, 19,30ean:
Irakaskuntza Profesionalei buruzko informazio-hitzaldia: bilera hau musika eskoletan ikasten ari den ikaslegoaren gurasoei (seme-alabak ere etor daitezke) zuzenduta dago. Beraz, Irakaskuntza Profesionalei ekiteko musika-ezagutzak izatea beharrezkoa da, sarbide-proba batzuk gainditu beharko baitira.