Igande honetan 200 dantzari eta musikari gazte baino gehiago elkartuko dira TOBERA Musika-eskolak Zegaman antolatutako Dantzari Txiki egunean. Euskal dantzak sustatzeko eta herri-giroa suspertzeko jaialdia izango da, herri osoan zehar kalejira eta geldialdiak egingo dituena, goizeko 11tan hasita. Azken saio nagusia plazan bertan izango da, udaletxearen aurrean, eguerdiko ordubatetik aurrera. Dantzari guztiak elkarrekin dantzan ikusteko aukera egongo da orduan.
Segurako Azpilla eta Beasaingo Aurtzaka taldea etorriko dira gurera egun horretan.
Bezperan, berriz, Euskal Herriko Trikitiaren Egunean esku hartuko dute TOBERAko ikasleek, Beasainen.
Ekintza hauek Musikaren Hamabostaldiaren egitarauaren barruan daude sartuta.
- iker -ren bloga
- Logeatu iruzkinak post-eatzeko
