Ikasturtearen bukaera-aldera honetan, Musika-hizkuntzako 2A mailako ikasleekin instrumentuen ezagutza-saioak egiten aritu ginen maiatzean. Bazkideen Batzar Orokorra ere maiatzean izan genuen, Seguran. Ekainean, berriz, ekintza ugari izan dituzte eta izango dituzte gure ikasleek: 8an jaunartzeetako arku-egitea Zegaman; ekainaren 9an Lazkaoko Dantzari Txiki Egunera joan ziren gure dantza-taldeak eta txistulariak; 20an ZerainLab-ek antolatutako solstizio-egunean joko dute Zeraingo gure zenbait ikaslek herrian; San Joan bezperako suaren inguruko erromeria antolatuko du musika-eskolak Zegaman; 25ean Segurako jaien barruko gaueko Zopa Pertzaren kalejiran arituko dira trikiti, pandero eta perkusioko ikasleak; e.a. Guztien artean, ordea, ikasturte-bukaerako kontzertuak nabarmendu dira: ekainaren 18an Zegamako plazan eta 19an Segurakoan egin ditugu.
Hemen duzu ikasturte-bukaerako jaialdietan atera ditugun argazkien ALBUMA (klikatu gainean).
Uztailean eta abuztuan ere, ez dira geldirik izango gure ikasleak. Uztailaren 13an Korrontzi taldearekin dantza-ikuskaria egingo dute TOBERAko dantza-ikasleek Zegaman, eta abuztuan Zegamako jaietan hartuko dute parte gure hainbat ikaslek, esaterako.
- iker -ren bloga
- Logeatu iruzkinak post-eatzeko
