Hasiera

ekintzak

Musikaren Hamabostaldirako motorrak berotzen

Apirilaren 18tik maiatzaren 1era bitarteko bi asteetan, 15 proposamen tentagarri metatu ditu Mutiloako, Segurako, Zegamako eta Zeraingo Tobera Musika-eskolak. Aurrez. Atzegi elkartearen bitartez, 2 tailer eskaini zaizkie ikasleei eta herritarrei. Lehenengoa apirilaren 5ean izan da Zegamako kultura-etxean. Aurreikuspenek gainezka egin, eta kultura-etxeko Oria aretoa ia txiki geratu da bertaratutako 50 lagunak hartzeko.

Elkartrukea 2016: musikak ez dauka mugarik

Egia biribila da hori: musikak ez dauka mugarik. Hizkuntza unibertsala da; eta, horretaz gain, sekulako ahalmena du pertsonak elkarlotzeko, jendartean integratzeko, autosuperazioa lantzen laguntzeko, talde-lana indartzeko... Guzti-guztiongan du eragin positiboa, baina, akaso, disfuntzio fisikoak edo mentalak dituztenentzako balio gehigarria izan dezake musikak.
Esandako honen erakustaldi praktikoa izango da TOBERAk aurten bideratu duen elkartrukea.

Apirilaren 20an, asteazkena, Zegaman:
Elkartrukea Iruñeko Música Sin Barreras elkartearekin (elkarte honek disfuntzio fisikoak edota burukoak dituztenen integrazioa bideratzen du musikaren bitartez; batez ere Down sindromedun kideak ditu partaideen artean). Iruñeko eta TOBERAko ikasleen kontzertua Zegamako gimnasioan. 19:00.

Apirilaren 27an, asteazkena, Iruñean:
Elkartrukea Iruñeko Música Sin Barreras elkartearekin. Iruñeko eta TOBERAko ikasleen kontzertua Iruñeko Gazteen Etxean. 18:30.

Disfuntzioari buruzko jabekuntza-tailer bana ere egingo da Zegaman eta Seguran Atzegi elkarteko teknikariekin.

Nazio Batuen Erakundearen Batzar Orokorrak 2011n Down Sindromearen Mundu-eguna izendatu zuen martxoaren 21a.

Musikaren Hamabostaldia 2016

Egitarau benetan betea dugu Aste Santuko oporralditik itzuli ondorenerako. Musikaren Hamabostaldiaren egitarauak askotariko ekintzak izango ditu: entzunaldiak, ate irekiak, irteerak, kontzertuak, trebakuntza-tailerrak, e.a. Gainera, asko izango dira ia egunero-egunero plazaratuko direnak: 17 ekintza edo ekintza-sorta izango dira guztira.

Andoaingo 11. Piano-jaialdirako ari dira prestatzen TOBERAko 9 ikasle

Iritsi da Andoaingo Piano Jaialdiaren XI. edizioa. Beste urte batez, astebukaera oso batean zehar, aukera paregabea izango da hainbat musika-eskolatako piano-jotzaileen emanaldiez gozatzeko.
2016ko otsailaren 20an eta 21ean izango da aurten, ohiko moduan, Andoaingo Bastero Kulturgunean.

Bi egunetako etengabeko jardunaz gain, aurtengoan ere, iaz abian jarri ziren astean zeharreko kontzertuak emango dira; horrela, jaialdiari astebete lehenago hasiera emanez.

Idiazabalgo Txistu-alardean esku hartu dute TOBERAko zenbait ikaslek

Urtarrilaren 30ean, Idizabalgo San Blas jaien egitarauaren barruan, arratsaldeko 8etan, hainbat txistu-talderen arteko alardea egin zen. Tartean izan ziren TOBERA Musika-eskolako 6 txistu-ikasle beren irakaslearekin batera. Beasaingo Alardea izan zuten azkena, eta, herrian bertan ere, hainbat ekintzatan aritzen dira urtean zehar: Errege Magoen Kabalgatan, herrian egiten diren azokatan, festatan, kalejiratan, e.a. Azken batean, eskolan ikasitakoa jendaurrean erakustea baino hoberik ez dagoelako.

Santa eskean irten gara

San Blas egunaren segidan iritsi zaigu Santa Ageda bezpera.  Urtero bezala. 2016an, ordea, ostegun gizenarekin bat etorri da gainera Santa Ageda bezpera. Herriz herri koplak kantatzen irtendako abesbatzek ohitura zaharra berritu dute beste behin, eta TOBERA Musika-eskolako ikasleak ere ez dira atzean geratu zeregin horretan.

Kalejira Mutiloan

Azaroaren 19an, astean zehar Mutiloan egindako Kultura-astearen barruan, protagonismoa hartu zuen musikarion zaindari Santa Zeziliak. TOBERA Musika-eskolako ikasleen bitartez izan zen; kalejira egin zuten Mutiloan trikitiko, panderoko eta txistuko zenbait ikaslek. TOBERA Musika-eskolak Mutiloan egindako lehenengo ekintza ofiziala izan zen.

Santa Zezilia, gure zaindaria

Musikarion zaindari Santa Zeziliaren omenezko ekitaldiak bi izango dira aurten TOBERA Musika-eskolan. Batetik, hilaren 18an, asteazkena, Segurako Aldundiaren Aterpetxean jaialdia eskainiko dute 75 ikaslek arratsaldeko 18:30ean. 23 abestirekin prestatutako egitaraua ezagutzeko, albiste honen behealdean duzu aukera. Euskal Herriko Musika-eskolen Elkartean antolatutako 'Musikalean' ekintzaren barruko saioa izango da. Orain arte kontzertu bana eman izan badu ere musika-eskolak Zegaman eta Seguran, aurtengo jaialdia bateratua izango da eta iraupen luzeagokoa.

Maila ona, giro ederra eta jende ugari ikasturtearen amaierako jaialdietan

Arrakasta. Horixe da ikasturteari agur esateko TOBERA Musika-eskolak egindako bi kontzertuak definitzeko hitz gakoa.

Labur-labur, hementxe dituzu egun horietako zenbait irudi:

https://plus.google.com/104279413502959475783/stories/5d6fb6f4-5a76-3c4f...

Orriak

RSS - ekintzak-rako harpidetza egin